xxxx
Hutzgüri Sissach
x

Chömmed cho luege

Hauptstrooss wird Hutzgürizone

Am Dunschtig, 22. Hornig 2007 ischs so wyt. Dr erschti offiziell Teschtlauf dur die zuekünftig Begegnigszone findet statt. Für de gwogti Versuech het sich s'Hutzgüri mit sine Begleiter zur Verfüegig gstellt.

Scho im Dezember hei die kantonal verantwortliche Stroosseumbouer  ganz sanft probiert s'Hutzgüri z'wecke. Mit dere Klangtunnelgschicht isch ene das au glunge. S'Echo vo dene siebe Hammerschleg und dere taktvolle Wüscherei im Tunnel isch bis in Tüfelschuchi ghört worde. Mit vill guetem Zuerede und im Hiwys, dass d'Vorrotschammere eh bald leer isch, hei sis gschafft  ins vo ihrer, einisch doch guete Idee (immerhin choschtet die emol nüt), z'überzüge.

De Dunschtig ab de siebene Zobe isch's  so wyt. Gegene Verchehr d'Hauptsross uf wird's losgoh. S'Hutzgüri wird derbi die wirtschaftliche Verhältniss an dr Haupstross prüefe. Bi folgende Persone und Beize wird haltgmacht: 

  • Stefi Zemp Zueständig für Schnitzel-werch und Füür-bänk im FGS-Vorstand
  • Giuseppe Verdi  Au do gits kei goldigs Bier meh us Lieschtel, nume Chatzestreckerwasser nach original Lieschtler  Rezept
  • Leue E Pizzabäckergrossfamiliebetrieb
  • Vitrum Eier hätte mir gnue, e Pfanne fehlt is...
  • Sydebändel D'Fassade isch 1A, dinne ischs so lala
  • Rubino Ei Frau wo für zwee schwätzt längt zum drei Gäscht ufs Mol z'bediene
  • Chantal Schaub Sunnewirtstochter
  • Volksstimme  Das Hutzgürimitteiligsblatt  mit 125-jöhriger Druckfehlererfahrig 
  • Sterne feufi, ischs endlig klar, mir si  e Beiz, nit nume e Bar
  • Stöppli D' Wirte wächsle regelmässig, Gäscht bliibe die Alte
  • Sunne Dr Wirt wächslet nie, Gäscht nume ab und zue
  • Hanspeter V. Wicki Altdiente Guggemuusikant mit em gröschte Horn (aber no lang kei Oldi)

Das das Ganze au möglichscht realitätsnoh cha ablaufe werde d'Wirte bätte usezstuehle und s'interessierte Publikum agmesse z'bewirte. Für s'Hutzgüri und si Ahang selber si d'Ess- und Trinkware für über d'Gass (uf neu dütsch Take a way) parat z'stelle.

Nebscht de scho bekannte Verhaltensregle isch speziell z'beachte gnüegend Sicherheitsabstand z'bhalte. S'isch nid bekannt wie s'Hutzgüri uf so wenig Verchehr reagiert.

Die positive Ergäbnis vo dem Teschtlauf werde in d'Planig ibezoge, die negative  todgschwiege.

Uf e offizielli Polizeibegleitig wird verzichtet.

Im Hornig 2007, dr Schärmuuser

Home